اوزون زامان بوش قالماسین دیه...
دوشنبه, ۶ شهریور ۱۳۹۶، ۱۰:۴۴ ب.ظ
1. ذهنیمده بیر تاخیم سورو وار. سانیرام هله‌لیک بو سورولارا جوابیم یوخ. بلکه سونرالار تاپدیم، بیلمیرم. آما چتین سورولاردیلار...
-نیه یاشییریق؟
-یاشامیندا باشاریلی اولان آداملار اؤز یاشاملاریندان راضی‌دیرلار؟
-حیاتدا گئتدیگیمیز یولدا بونجا چتینلیگی ندن چکیریک؟
-من یاشامیمدا بوندان بو یانا بوندان قاباقکینا تای ادامه وئرمه‌لییم؟ یوخسا بیر انقلابی تصمیم توتمالیام؟ بو گئدیشی دگیشمه‌لییم؟ من عؤمرومی بوجور بیتیرمه‌لییم؟
-انقلابی تصمیم منیم اوچون نه اولابیلر؟
-من یاشامیمدا باشاریلیام؟
-باشاری منیم اوچون نه اولابیلر؟ جامعه‌ده بیریسینه مثلا دکتر دئسه‌لر بو آدام اوچون باشاریمی؟
2. اما شوخلوقسوز، "یاشاماق" نه دئمک؟ بو دونیادا 80 ایل عؤمور سورمک "یاشادیم" دئمگه یئترلیمی؟ یوخسا باشقا مختصاتی وار یاشاماغین؟
