منت ائله‌مم
1-بوگون سحردن بو یانا داها ایچیمده‌کی او شوق و اؤزلم رنگین ایتیریپ! دئمک یئنی دوروملا آداپته اولموشامدیر. بدنیم آنلاییپ کی "او" سادجه بیر "اشتباه" ایدی، بو قدر. هم ده عؤمرومون ایلک اشتباهی بو قونودا... یازیقلار اولسون.
2- بوگون چیلله‌نین 45 اولماسینا رغمن هاوا چوخ یاخجی ایدی، او قدر یاخجی کی سحر چرخ ایله گئتدیم کوکه آلدیم. صبحانه‌دن سونرا آتامین یاردیمی ایله چرخین تکرلرینه یئل ووردوق. و نهاردان سونرا چرخ ایله چیخدیم بیر دؤر ووردوم. گئتدیم باغ قاباغینا طرف و اوردا سرگیده اولان ایکینجی ال کیتابلارا باخدیم. ایکی دانا کیتاب آلدیم بیریسی "کلیله و دمنه" دیر. اوردان قاییدان باش هاوا یاواش یاواش سویوموشدی و اللریم اوشودی ائوه یئتیشینجه!
3-او سس تورکیه 2016 دا بیتدی و بو آرادا منجه قازانان نسیمی اولموش، او محتشم شعری ایله. نه یاخجی کی وارمیشسان نسیمی. بو دؤره امره سرت کایا بیرینجی اولدو (گؤکهان و هاکان تیمیندن). داها دوغروسو بو ایل اله‌مه‌له‌ری ایزلینمه‌دیم و امره سرت کایا هانکی لری اوخویوپ یا باشقا دئتایلاری بیلمیرم. آنجاق ایل سئچمه آشاماسینداکی امره سرت کایا‌نین نسیمی شعرین اوخوماسین گؤردوم و چوخ بگندیم.
4- اصلینده "منت ائله‌مم" 2007 ده احمد اصلان طرفیندن اوخونوپ.
آشاغیدا نسمی نین "منت ائله‌مم" آدلی شعری:
منت ائله‌مم
خار ایچینده بیتن غنچه گوله منت ائیله‌مم
عربی فارسی بیلمم، دیله منت ائیله‌مم
صراط مستقیم اوزره گؤزتلرم راهیمی
ابلیسین تعلیم ائتدیگی بیر یولا منت ائیله‌مم
.
بیر عجاییب درده دوشدوم، هر کس گئدر کارینا
بوگون بولدوم، بوگون یئرم، حق کریمدیر یارینا
ذره‌جه طاماهیم یوخدور شو دونیانین وارینا
رزقیمی وئرن خودادیر، قولا منت ائیله‌مم
.
ای نسیمی، جان نسیمی اول غنی مهمان ایکن
یارین شفاعتلر .........احمد مختار ایکن
جمله‌نین رزقینی وئرن اول غنی ستار ایکن
یئر اوزونون خلیفه‌سی خونکارا منت ائیله‌مم
نسیمی
----
* 
احمد اصلان - منت ائله‌مم - دانلود
S Ü P E R