سنت استپانوس کیلیسه‌سی

1. عکس: اؤزومدن. سنت استپانوس کیلیسه‌سنین اطرافیندان بیر منظره

آراز آراز خان آراز

1. آراز آراز خان آراز

سولطان آراز خان آراز

آراز سندن کیم گئچدی

کیم غرق اولدی کیم گئچدی

2. عکس: اؤزمدن. آراز سدی‌. او تای دا گؤرسنن دومانلی یئر نخجوان.

دوست

1. انسانا ائتکی بیراخا بیله‌جک دوست، دونیانین ان گؤزل شئی‌لریندن ساییلیر. بونو فرقلی آچیلاردان گؤرموشدوم و اینانمیشدیم. اخیرا بیر یئنی دوست تاپمیشام. بو عزیزیمیزله دوستلوغوم ایش محیطینده تانیش اولماق واسیطه‌سیله اولوپ. سلام کئف احوالیمیز واریدی آما گئچن 2-3 آیدا دوستلوغوموز بیر یئنی سطحه گیرمیش و گینه ایش واسیطه‎سی بونا سبب اولموش. دوستلوغوموز داها درینلنمیش و داها یاخینلاشمیشیق. بو دوستوموز ادبیاتچیدیر، دوشونجه صاحبیدیر و چوخ متشخص بیریدیر. نه قدر تعریف‌له‌سم آزدیر. و دوستولوغوموزون نتیجه‌سی گئچن ایکی اوچ آیدا بو اولوپ کی بوگون دوستومودان آلدیغیم ایکینجی داستان/رومان کیتابین بیتیردیم. بیرینجی کیتاب کیچیک پرنس* دیر. بو کیتابی اوولده آغیر اوخوردوم. اما سورا کیتابلا ایلگی قورا بیلدیم و چوخ بگندیم. بیر داها دا اوخوسام گینه یئری وار. ایکینجی کیتاب آلبر کامونون یابانجی* کیتابیدیر. بو کیتابین دا تعریفین چوخ ائشیتمیشدیم آما اوخوماق آرزوسو پی‌نین یاشامی* فیلمینده، پی‌نین الینده گؤرنده منده یاراندی. و نهایت بو دوستوموز باعث اولدی بو کیتابی اوخویام. کیتابلارین ایکیسین ده او منه امانت وئردی و بو آچیدان دا یاخجی اولدی. بوگون بیلدیم کی جلال آل احمد ده بو کیتابی ترجمه ائتمیش. ایستیرم بیر داها بو ترجمه‌سین اوخویام و بیر دانا دا تورکجه ترجمه‌سین تاپیپ اوخوسام چوخ یاخجی اولار.

----

*The little princess

*The stranger

*Life of Pi

ائله بئله‌سینه 1

-الو سلام. نوار نه یوخ؟

-هارداسان؟

-من بوگون تئز گلدیم کی با هم گئداخ ایش اوسته. نیه به گؤزله‌مه‌میسن؟

-ساعات نئچه‌ده گلیم؟

-خط‌نن گلرم. ماشینین بنزینی یوخ!

تلفنی قطع ائله‌دیم و بیرآز یولدان یئتیشماق یورقونلوغون گئچیریم دیه اوزاندیم و تبلتی آلدیم الیمه. یولداشیما یوللادیغیم پیاملاری ایستیردیم گؤرم اوخویوپ و جواب وئریپ یا یوخ. کی گؤردوم هئچ اوخومویوپ.

ساعات بیر ایدی، ذهنیمده توتدوم کی ایکی ده یولا دوشرم. بیر یاریماجان تلگرامدا دولاندیم تا هم وقت گئچسین و هم دینجلیم بیرآز. بیر کانال وار بیرآز آچیق. مهدی چوخ گئچمیشلرده اوندان بیر پیام یوللامیش. اونو آختاردیم تاپدیم بیرآز اونا باخام. باخا باخا ووردی باشیما و تلفوندا قرارلاشماغیما پئشمان اولدوم. هر ایکیسیده با هم اولمازدی. ایشیم زور ایشیدیر، گوج ایشیدیر، اصلا اولماز!

ساعات بیر یاریم اولدی، دوردوم 10-15 دقیقه قاباخ گوشیمه گلن اس ام اسه باخام گؤرم کیمدی. مهم آدام اولمادیغین سانیردیم. اصلینده سیم کارت اوپراتورودور دییه دوشوندوردوم و آچیپ باخماغا هئچ رغبتیم یوخیدی. آچدیم، اؤیرنجیلردن بیریدی، گئچن هفته بیر سؤز تاپیشیرمیشدی بیر نفردن سوروشام، دئمیشدیم نتیجه‌سین هفته اخیری و یا هفته اوولی خبر آل. اس ام اسی اوخویاندان سورا هله تازا یادیما دوشموشدی کی بو ایشی ده گرک گؤرئیدیم! اونا بیر جواب یازدیم، جوابسیز قالماسین دییه!

نایلون الیمده چیخدیم ائشگه و هانکی خطه مینماغیما قرارسیز قالدیم. بیرآز فیکیرلشدیم و سورا مسیرلرین بیرین انتخاب ائله‌دیم. او خطلرین بیرینه مینماغا او مسیره طرف گئتدیم. خیابان کناریندا بیرآز دوراندان سورا خیاوانین او بیری طرفیندن گلن خطی گؤردوم و نه کؤکده سرعت ایله حرکت ائلین ماشینلارین آراسیندان قاچا قاچا اؤزومی اوول باندین وسطده کی آغاج لار آراسینا یئتریدیم. خط ایستیردی گئده کی "ساخلا" دییه سس وئردیم. منی گؤردی و ماشینی ساخلادی. قاچدیم و خطه میندیم. کارتی ووردوم، شوفئرین دالی صندللری بوش ایدی، ائله اوول صندلده اوتوردوم. سونرا دؤندوم دالیا باخدیم گؤرم ماشین شلوغدی یا یوخ، کیم وار کیم یوخ. گؤردوم ماشیندا هئچ کیم یوخ! شوفئردن سونرا بیر من ایدیم و منیم کناریمدا اولان ایکی صندلین بیرینده اوتوران بیر اوغلان. اوغلانین دوداقلارینا باخدیم بوزارمیشدی و سوسوز نظره گلیردی.

ماشین یولدا چالا چوخورلاردا ائله سس وئریپ تیترییردی کی ایندی اویان بویانی سینیپ دوشر دییردیم هر آن!

اوروجلوق سئریاللاری!

1. گرچک دونیانین ایلیشکیلرین یانسیتمایان فیلملری هئچ سئومم. فیلمه باخیرسان و اؤز گئچمیشینده یاشامیش اولدوغون بیر بنزر شرایطه راست گلیرسن و تام فیلمده‌کی هر شئ سنینکی ایله فرقلی اولدوغونی گؤرورسن! تام هر شئی یالان یانسیتیلیر! هر شئی یالان...

2. قالسین کی هله بونون دیشیندا باخماغا دگری اولان تک بیر شئیی بیله یوخ. تام دگرسیز.

توییتر

1. توییتر ده گؤزل دونیایمیش...

2. گؤزل یئترسیز. اصلینده چوووخ گؤزل ایمیش ...

شاه توت

1. چرخ‌نن چیخدیم ائشیگه، گئتدیم گئتدیم. بیر چارراها یئتیشدیم. چراغ قیرمیزی ایدی خیابانین کناریندا بیر یئکه آغاجین آلتیندا ساخلادیم کی چراغ یاشیل اولا. باخدیم گؤر آغاج قیرمیزی توت آغاجیدیر. هله کامیل یئتیشمه‌میشدیلر آما هر شاخه‌ده بیر نئچه دانا قارالمیشی واریدی. ال آتدین اونلاردان دردیم و یئماغا باشلادیم. بیرآز تورش کیمی ایدی. بیر کیشی او الدن گلیردی منی توت درنده گؤردی و «یئتیشیپلر؟» دییه سوروشدی. من قارالاری گؤستررک دئدیم هن. «تورش اولارلار هله» دئدی و گئتدی. بیر ایکی دانا دا ییندن سونرا چیراغ یاشیل اولاندا یولا دوشدوم و گئتدیم. بو آرادا چراغ بیر سئری یاشیل اولوپ و بیر داها قیرمیزی اولموشدی توت ییرکن.

سیاست

1. دوستلارین بیری ایله سیاسی بحث ائله‌دیم گئچن ایکی اوچ گونده، اکثر موضوعلاردا توافق یوخوموز ایدی. قضاوت ائله‌میرم کی او اشتباه نتیجه آلیر، آما فعلا اؤز دوشونجه‌می داها معتبر گؤرورم. آما او دیین سؤزلری ده ذهنیمده ساخلیرام و اونلاری ذهنیمده دولاندیریرام زامان زامان، بلکه سونرالار اولایلار و تاریخی سورج اولارین اعتبارلی اولدوغونو گؤستردی، کیم نه بیلیر؟!

2. بو دوستوم اؤنجه‌لر بوجور دوشونمزدی، آما ایندی دوشونور. چوخ ساده. آه‌ه‌ه، قافا، آدامی هاردان هارا چکیرسن...

نیه؟

1. اوزاقدان بیر نفری دالی طرفدن گؤردوم و تیپی بیرآز فرقلی گلدی. نجور انسان اولدوغونی و نیه تیپی نورم دان فرقلیدیر دییه قضاوت ائله‌مه‌دیم. بیرآز سورا منله ایلگیسی اولمایان بیر اتفاق دوشدی و منده او جمع‌ده اولدوغوما گؤره، همان او انسانی یاخیندان گؤرودوم. مظلوم، سس‌سیز و چوخ آرام بیر قیز. اوستادی دیین سؤزلره چوخ آرامنان قولاق آسدی و بیر سؤز دئمه‌دی. اوستادی بو درسده موشکلی اولاجاق دییه آنلامیشدی و ایستیردی بو آرام خانیم قیزین حالین مراعات ائله‎سین و بیله‌سیندن بیر فرقلی امتحان آلسین. بیرآز آسان امتحان. سورا دیل آچدی و بیر ایکی کلمه دانیشدی، اورگیم یاندی بیله‌سینه.

2. تانریم نیه انسانلاری بوجور فرقلی یاراتمیسان؟ تانریم نیه امکانات باخیمیندان بعضی انسانلار عرش‌ده‌، بعضی‌لری فرشده و بعضی‌لری قویونون دیبینده اولاراق آنادان اولورلار؟ تانریم نیه هوش و استعداد و حافظه باخیمیندان بعضی‌لرینین 10 انسان قدر واری وار و بعضیلرینین هئچ بیر شئی‌لری یوخدور؟

قیش یورت

1. بو عکس‌لره باخاندا اورگیم پارچالانیر...

2. دیل قاصیر...

3. گوله گوله کیشی ...