نادر ساعی‌ور

1. آقای نادر ساعی‌ور، 2018 کن فئستیوالینین ان یاخجی سئناریو اؤدولون قازانمیش.
بوردان بیله‌سینه و آذربایجانا تبریکلر دییرم.

اوزون مدت بوش قالماسین دیه

1. ائو ایکی اولاندا، مجبورن بیری بوش قالمالیدیر!

2. بو بیر باش وورماق حئسابیندا بیر شئیدیر...

3. شانسدان او الی ده باغلیرلار! بلکه بیر داها بورا دؤندوم؟! بلکه...

----

ایننا - نیروانا

دومانلی آی...

یازین بیر بولوتلی آخشامی


[آغاجلار چیچکلنمیش...]
چیچکلرین اوزی،
        سنی اوتاندیردی می؟
                دومانلی آی

باشو ماتسو
ترجمه: من

یئنی ایل...

1. یئنی ایلی بیر آهنگ ایله قوتلورام. انشالله کی یاخجی بیر ایل یاشیابیلک...
----
دونیا دؤنویور - نیلوفر و پینهانی

ساعاتلی بومبا...!

1- بیر فیلمه ایکینجی سفر اولاراق باخیرام. هله بیتیرمه‌میشم. چوخ گؤزل فیلم‌دیر. آما فیلمین گؤزللیگینه گؤره یازمیاجاغام بوردا. فیلمده یؤنتمن بیر خاص تکنیک ایشلدیر، سؤز قونوسی اونداندیر. بو تکنیکین آدین بیلمیرم، هئچ بیر یئرده ده اوخومامیشام بونا گؤره. آما اؤزوم، بو فیلمده بوتون وجودوملا بونی لمس ائتدیگیمه گؤره بوردا یازیرام و ادینا دا تکنیک دییرم!

2- تکنیک بؤیله‌دیر کی فیلمین یؤنتمنی و یازاری اوول سئکانسدا بیر قارا قوطی* ایچینده بیر نسنه اکیر آدامین بئینینده. آچیلمامیش بیر قوطی. ایچیندن خبرین اولمور، چوخ دا چالیشیسان آنلایاسان آما بیر شئی باش تاپیلمیر. بو سئکانس بیتیر. بوندان سونرا 2-3 سئکانس دا گلیر گئدیر و او قارا قوطی تام اونوتولور. اون دقیقه‌دن سونرا بیر باشقا سئکانسین هیجانین و بحرانین یاشیا یاشیا، سئکانسین سونوندا او قارا قوطی‌نی خبرین اولمادان بیردن-بیره آچیر! آچماق دییرم ها، نه آچماق.... تام بیر ساعاتلی بومبا کیمی آچیر...

3- دقیقا بو یازینی یازمادان بیر دقیقه اؤنجه بو ساعاتلی بومبا منیم بئنیمده پاتلادی! وجودومون بوتون توکلری بیز-بیز دورموشدی! فیلمین قالانینا کندیمی توپارلادیقدان سونرا باخابیلرم! بو ساعاتلی بومبانین تاثیری نه قدر اولاجاق گؤره‌سن؟

----
* black box

* بو یازینی 1396/12/26 تاریخینده تلگرامدا یازمیشدیم. بورا دا ووردوم بوگون 1397/01/02.

یاتماق ذووقی...

"آه بو گؤزل گون ایسسی‌سی وورا-وورا کیتابلارین آلتیندا یاتماق نه گؤزل بیر شئی. گونون ایسسی‌سین آلیپ دا بوس-بوتون استرس‌لریمی آتسایدیم بی.... گؤره‌سن بو کیتابلار قیشین سویوق و بیتمز گئجه‌لرین باش ائده‌بیلمک ایچون اوزون-اوزون روماندیلار می یوخسا آغیر-آغیر فلسفی کیتابدیلار می؟!" دییر پیشیک افندی.
----
ی.س.: عکس اؤزومدن

آنالار گونی موبارک

بیر کیچیک ویدیو ایله آنالار گونون بوتون عزیز آنالارا تبریک عرض ائلیرم...

https://t.me/caysaatii/30

53 ثانیه

سن کی بیلیرسن سئودیگیمیز شئی‌لرین بیتمه‌سینی هئچ هئچ و هئچ ایسته‌میریک. ندن منیم گؤزو قارا یالنیز اورگیمی 53 ثانیه آراسیندا تیکراردا بیراخیسان؟!
هن؟!

----

https://t.me/caysaatii/26

یئنی مطلب

یئنی مطلب‌لری تلگرامدان یوللامیشام...

قارلی گون...

کلاس‌دان ایندی چیخمیشام. چیخاندا قارین نارین دانالاری یاغدی اوستومه. بؤرکوم کیفده‌ایدی و ایسته‌میردیم بؤرک تاخام. آما قار دانالارین گؤرونجه و کلاسدان داغیلان اوشاقلار جیبلریندن بؤرکلرینی چیخاردینجا، من ده بؤرکومی کیفدن چیخارتدیم و باشیما قویدوم.
پیاده گلدیم خط ایستگاهینا. 15 دقیقه‌لیک یولدور پیاده. کارتیمین شارژی یوخ ایدی، اونا 3 مینلیک شارژ ووردوردوم. مندن قاباخکی اوغلانین کارتی یوخ‌ایدی. مندن ایسته‌دی، کارت ووردوم بیله‌سینه. پولون وئریردی، ایسته‌میردیم، آما اصرار ائله‌دی، آلدیم. ایستگاه قالابالیق‌ایدی، خانیم‌لار و قیزلار آراسیندان "گذشت ائدین" دییه‌رک یولومی آچدیم و گئتدیم صفین آخرینده دوردوم. بیرآز دوراندان سونرا بیر خط گلدی، دوپ-دولی! یانیمدا دوران کیشیه "چوخ شولوغدی، بوندان قاباخکی بوجور دپیلدی آخی!" دئدیم. "هن! اونا یئتیشه‌نمه‌دیم" دئدی. شولوغ اولسایدی دا، بیر چوخلی آدام یئندی خطدن. یئنمکلری زامان چکدی، شوفر مینمگه گؤزلمیردی داها! قاپینی باغلیا باغلیا زورونان اؤزومی آتدیم ایچریه! شانسدان ایکی دانا بوش صندل واریدی، چوخ آدام دا آیاق اوسته دورموشدی، بیلمیرم گؤرموردولر بوش صندللری و یا ایسته‌میردیلر اوتورسونلار! بیردانا دیل اوجوندا تعاروف ائله‌دیم و تئز گئچدیم اوتوردوم! سون ایکی ساعاتدان چوخ آیاق اوسته‌ایدیم. اوسته‌لیک سحر صبح‌دن ائودن چیخمیشدیم و یورقوندوم. پنجره کناری‌ایدی، قولاقلیق‌لاریمی تاخدیم، FMی آچدیم، بیر کانالی توتموشدی. بیلمیردیم هانکی کانالدی اما بیر گؤزل، گیزم دولی، ترنسه اوخشار بیر آهنگ سالمیشدی...
یورقون و آرقین بیر گون آردیندان باشاریلی چیخما، قارلی و بولوتلی، نسبتا سویوق بیر پلمه هاوادا او شولوغ ایستگاهدا ماشینا مینه‌بیلمک و ائوه دوغرو گئده-گئده گؤزل بیر آهنگی دینله‌مک سئونجی...
بیر رضایت حیسسی دولدی ایچیمه.
آه، چوخ شوکور ...