سندن سونرا

 «سن گئتدین گئدلی دینمیور اوزه‌ریمه یاغان یاغمورلار

توخوندوغون اشیالاردا حالا سنین قوخون وار

گئری دؤنولمز یوللارینا دوشویوروم بنی ده آل

اووتمیور اووتمیور خیاللارین»

----

سرکان ییلدیر - ایهلامور چیچگی

11 مسافر

بوگون گؤزومون قاباغیندا 11 نفر آدام بیر سمنددن یئندیلر! البته شوفردن خاریج! شوفر ایله اولورلار 12 نفر. ائله اوچو دالی کاپوتدان چیخدیلار! نهایت او 11 مسافر یئنندن سونرا سوفر ایله بیر آیری اوغلان میندیلر ماشینا گئتدیلر، گلنده دقیق بیلمه‌دیم که او اوغلان دا همان ماشیندا گلمیشدی یا یوخ! اگر اولارنان گلمیش اولسا، 13 نفر بیر سمند ده!

----

البته هاممیسی دا بؤیوک یاشلی ایدی لاپ کیچیکلری 18 اولاردی!

یئر کوره سینین سونلاری/2

«عرب‌لر آفریقانین باتیسیندا، ایکینجی دونیا ساواشیندان اؤنجه‌سینده هیدیستانلیلار و پاکیستانلیلار آفریقانین دوغوسوندا و یهودی‌لر اورپانین دوغوسوندا، بیر کلاسیک "دللال آزینلیق" اولوشتورموشدولار»

#یئر_کوره‌سینین_سونلاری

یئر کوره سینین سونلاری/1

«آفریقانین حاشیه‎سینده اولان اؤلکه‌لرین نسبی عاجیزلیگی، آئیر آفریق اوچوشویلا فیل دیشی ساحیلینه (ساحل عاج) طرف قالخمامیشدان، نیویورکون کئنئدی هاوا لیمانیندا اؤزون گؤستردی. ائیر آفریق چیخیش قاپیسینین کناریندا، سئول و توکیو اوچوشلاری واردی. بو اوچوشلار اعلام اولاندا، بوتون ارکک و قادین تاجیرلر و بازرگان‌لار باهالی پالتارلار، دیزاوستو بیلگیسایارلار و گؤن کیف‌لر ایله اوچاغا ساری گئتدیلر. من و بیر عدده آفریقالی کی اوجوز چمدان‌لاری ایپ ایله بیر بیرینه باغلامیشدیلار، اللرینده صلیب اولان مذهبی مبلغ‌لر و راحاتی کؤینک ایله بوز پالتار گیین خیریه امدادچی‌لاری قالدیق. بو لحظه‌ده آفریقا، گلیشمیش دونیانین صنعت‌دن اؤته اؤلکه‌لریندن هر زامانکیندان داها دا اوزاق گؤزوکوردی.»

#یئر_کوره‌سینین_سونلاری

یئر کوره سینین سونلاری

#یئر_کوره‌سینین_سونلاری
1997
روبئرت د. کاپلان

روبئرت د. کاپلان اطلس ژورنالینین باش ائدیتوری و *بالکانین ارواحی: تاریخ درینلیک‌لرینه بیر مسافرت* کیتابین یازاری‌دیر. او «یئر کوره‌سینین سونلاری»ندا فقط بیر سیرت چانتاسی (کوله پشتی) و بیر دفتر ایله آفریقا باتیسینین ویران اولموش اؤلکه‌لریندن باشلاییپ و دولانا دولانا مصر، ایران، اورتا آسیا، هند، پاکیستان و نهایت آسیانین گونئی دوغوسونا گئدیپ. بو اؤلکه‌لرده ملت-دولت بیرلشمه‌سی یوخدور هله، انسانلار هله تام ساکین‌لشمه‌میش و بو ایکی عامیل آنارشیزمین یارانماسینا باعث اولور.

او بو مسافرت‌ده گئچدیگی منطقه‌لرین فرهنگی اختلافلارینا بیر ناظر کیمی باخیر و بو اختلافلارین کؤکونی آچیقلاماغا چالیشیر (البته کی بیلدیگی پارامترلر ایله). کیتاپ حدوداد 20 ایل قاباغین کیتابی اولماسینا رغما اوخوماسیندا گینه فایدا وار. چالیشاجاغام بو کیتابی اوخودوقجا دگرلی نکته‌لرین #یئر_کوره‌سینین_سونلاری
 هشتگ ایله بوردا یازام. بلکه ذهنیمده یاخجی تثبیت اولسون و بو واسیطه ایله سیز ایله ده بیر شئی پایلاشمیش اولوم.

بئکار بابا

-کیتابلاری دا سانسور ائلیرلر!

-همم

-آدام اوخویاندا باش تاپمیر!

-[بیر سؤز دئمیرم]

جبران خلیل جبران‌نین نم هانکی کیتابین گؤتورور و دییر «بئکار بابانین بیرییخ دا، آپاراق اوخویاق» پولی وئریر و گئدیر.

-[بیر سؤز دئمیرم]

یاشاماق فلسفه‌سی

1. «اونون سؤز و جومله دوزلتمکده عجاییب یئته‎نگی واریدی. ظاهری مسئله‌لری اؤنمسه‌مه‌دیگینه گؤره بئینی همیشه آزاد ایدی، بونا گؤره یوخسوللوق اونو آیاقدان سالمازدی. ایمکانی واریدی کی لازیمی قدر و یاخجی پالتاری اولمایا، سویوقدان تیتره‎سین و یا آجلیغین اؤلدوروجو عذابینا گیریفتار اولسون، آما یئتر کی یوخلاسین، دوشونسون و گؤیده‌کی شهاب داشلارینا* باخسین، بئینی و دوشونجه‌سی آزاد اولاردی.»

پاریس و لندن‌ده پولسوز و در-به-در - جورج اوروئل

ترجمه: اؤزوم (فارسجادان)

2. هرکس دوروموندان آسیلی اولمایاراق، یاشاماقدا بیر فلسفه‌یه احتیاجی وار. ایش دردی، پول دردی، آجلیق، سئوگی، اوشاق، خانواده و.س. دردلر اینسانی چوخ راحات فلسفه‌سیز یاشاماغا گیریفتار ائلیه‌بیلر. فلسفه‌سیز یاشامادین می، بیر قیسیر دؤنگویه دوشموش اولورسان و هر شئی سیرادانلاشیر. بلکه**!

----

* شهاب سنگ

** بو دونیادا هئچ بیر شئی موطلق دگیل

نفس کسیجی...

1. چوخدان بری گؤرمه‌دیگینیزه رغما فیکری دایما ذهنینیزده اولان بیر عزیزی، خیاواندا اوزاقدان-اوزاغا، ایسته‌مه‌دن و راست‌گله اولاراق یئنی‌دن گؤرمگین نه حیسسی وار؟

----
ی.س.:

1. 13:30، سه شنبه، 20 فروردین 1398

الیف شفق - عئشق

1.  الیف شفقین عئشق آدلی کیتابین ایکی گون اؤنجه کیتابخانادان امانت آلدیم. قالین روماندیر. کیتابی آلاندا کیتابخانا مسئولونون سؤزی یادیمدا: «ایکی هفته وقتیز وار» و من اؤز-اؤزومه: «بو قدر مشغله‌نن بو کیتابی ایکی هفته‌ده بیتیره بیله‌جم؟!»، مسئول آرتیردی: «ایکی هفته‌ده تمدید ائلیه‌بیلرسینیز».

2. کیتابی آخشام یئریمه گیرندن سونرا الیمه آلدیم، اوول ایکی اوچ پاراگرافی بیرآز آغیر اوخودوم، آما دؤرت-بئشینجی پاراگرافدان باشلایاراق بیردن بیره بووووم! کیتاب آدامی ائله اؤزونه توتوقلو ساخلیر کی، یئره قویماسی چوخ چتین مسئله اولور. آدام دییر بیر-نفسه اوخویوم بیتسین!

3. هئچ کیتاب بوراجان بو قدر تئز اؤزونه توتمامیشدی! ائله کیتاب واریدی کی کیتابین یاریسیناجان گؤنولسوز و روحسوز گئدیردی! آما بونا تای تئز توتان کیتابلاردان بیریسیدی ده یادیما گلیر ائدقار آلئن پونون «آرتور گوردون پیمین گئچمیش اؤیکوسو» اولموشدی ایللر اؤنجه. آما او دا بو اندازه می تئز رئآکسیون وئرمیشدی می؟! یادیما گلمیر.

----

* گؤرونتو: اؤزومدن

گئجه‌لرین بیری

1. هاممی یاتیپ، من آییغام.
رادیو مایاکدا اولان آهنگلره قولاق آسیرام. آرام‌ام، بیراز دا دوشونجه‌لی، آزاجیق دا اؤزلم‌دن دوغموش غم بوغسو اورگیمین شوشه‌سینه قونموش...

2. شاعر دییر «هر کس پایینا دوشنی یاشار»
بو دا بیزیم پاییمیزا دوشدی
دوشونورم بو حایات‌دا چوخ شئی‌لریمیز یوخ، آما اولمایان ان اؤنملی شئی حضور و آرامش...

----

ی.س.: بولاری 1398/01/08 تاریخینده گئجه ساعات ایکی‌ده تلگرامدا یازدیم.