بو آخشام...

1. ایندی آخشام ساعات 10:07. بیرآز او طرفده اوزاندیقدان سونرا، بیر چای ایچیندن سونرا، ایکی دانا اوشقون یئدیکدن سونرا، و ادامه ده گینه اوزانیپ خبر مبر اوخودوقدان سونرا، دوروپ گلمیشم بو طرفه. بو آرادا بیر یاز آخشامینین سرین و بیرآز اوشوتوجی اسینتیسی واریدی کناریمدا، آما قاشمادیم اوندان. بو طرفده، بیرآز یازیم می یازمییم می ذهنیمدن گئچندن سونرا، ایچیمده اوتوران بو غریب و سئویملی حیس یازدیردی نهایت! بیلمیرم بو حیس بو گیتار تئللرینین یوموشاق تیترمه‌سی ایله بو آهنگ‌ده ایلگیلیدیر می یا یوخ؟!

آه‌ه‌ه...

آه... نه گؤزل چالیر...

دوروپ آخشامین بو چاغیندا قالدیریمدا دولاناسیم وار!

بو هاوادا،

بو حیس ده،

بو فصل ده،

بو تئللرین سسی ایله،

دولاناسیم وار.

سانکی آی ایشیقی بیر دنیز اولموش

و من اونا بیر قاییق سالیپ چوخ یاواشجا اوزونده سوزولورم...

اولدوزلار دا کناریمدان قاییرلار، بو گیتار سسی تک...

بو آخشام گؤیلره اوچاسیم وار...