اوزولدوم

1- اوزولدوم، تانریم بو حاققیم‌می؟ بیر بو باشیما گلمه‌میشدی. بو دا گلدی. چوخ ایستیرم فرض ائلیم کی "شاید ایندی باشی شلوغ دی"، "شاید ایندی نامناسب یئرده دی"، "شاید گؤنلو ایستیر جواب وئره آما اؤزون ساخلاشتیریپ" و مین دانا باشقا شاید. آما ایکی دانا آیری شاید اوزدو منی. "شاید سئومیر منی" و "شاید باشقا بیری ایله ایلیشکیده". چوخ اوزولدوم، چوووووووووخ.

2- فیکر ائلیرم 5 گون بو قونودا بیر تصمیم توتماغا یئترلیدیر. دوشنبه (05/11/95) تقریبا نهایت سحر 9:40 دقیقه ده چوخ گئدیپ گلندن سونرا گئتدیم قاباغا و هر نه فلاکتینن ایدی دئدیم. دئدیم کی: "بیر موضوع وار ایستیرم مطرح ائلیم. شاید بیر آز غیر منتظره گله آما ... . ایندی تقریبا 7-8 آیدی سیزی کلی صورتده تانیرام و به مدت ده سیزین رفتاریز و اخلاقینیز منیم توجهمی جلب ائلییپ" لو بولاری ائشیدندن سونرا باشلادی کی: "ساغولاسینیز، لوطوفونوز وار". من ادامه وئردیم کی: "اگر ایجازه وئرسز بیرآز باهم آشنا اولاق" سونرا آرتیردیم کی "البته بولورم بیراز غیر منتظره اولدو و منیم ده انتظاریم یوخ کی سیز تئز جواب وئره‌سینیز". او دئدی کی "منیم ده سیزدن شناختیم یوخدی، ایجازه وئرین من خانواده‌م ایله مطرح ائلییم، بو چهارشنبه گئده‌جاغیق مسافرته و گلن چهار شنبه قاییداجاغیق. اوندان سونرا دییه‌رم." و من گؤیلرده ایدیم. اوچوردوم. ایکی آییدی چیینلریمده بیر داغ وار سانکی. اونونلا دانیشاندان سونرا سانکی او داغی یئره قویدوم.

3- صاباحیسی گون ایشیم اولدوغوندان ائوده قالدیم و نهارچاغی ساعات 1:30 دا بیر گول عکسی یوللادیم بیله‌سینه. نه قدر ده آختاردیم بو گول عکسین. دونن‌سی گئجه‌‌دن آختاریردیم. تاپدیم یوللایاندا تلگرام دییسن ایشدن دوشدو. سیلدیم. سیلینمه‌دی. مجبور اولدوم تبلتی رئسیت ائلیم. و اوندان سونرا او عکسی یوللادیم (یوخاریداکی عکس).

4- نهایت 6:30 دا بیر پیام یوللادیم کی: "حالینیز نجوردی، مسافرت خوش گئچیرمی؟". حدودا 7:20 ده دئلیور اولدو و ایندی ده ساعات 8:10 دقیقه گئچیر و "شایدلر" منی ایشدن سالیر یاواش یاواش.

5- چوخ اوزولدوم تانریم چوووووووووخ.

----

بو وضعیت ده ابراهیم تاتلیسس‌ین آغلیوروم، آنام، باشی بلالی، فیرات و سایره‌سین هدفونلا دینلیرم.